يا سارقين الثورة ……مِنِ فرحة الثوّارْ ..؟

الشاعر : نجم الدين حمدوني
15045708_1130151440400034_446902547_n
****************

عندي معاكم ثار ْ
سرقتو الثورة …
من ْ فَرْحة الثوّار ْ
وسرقتو الثروة
مِن ْ شعِبْنا الجبار ْ
وعندي عناد ْ
ما يسكّتُوشْ اعْصار ْ
وعنْدي
هوى لِبْلادي
ما يفهمو التجّارْ
وانتم ْ
خفافيش ْ ظلْمه ْ
ما إطّيقو شمس ْ وِنْهارْ
عندي معاكم ثار ْ
مجروح ْ ثورةْ
حامل ْ حرايق نار ْ
وانتم ْ …
ركاب ثورة
ما تِفْهمو ُ في الكار ْ
زِدْتو على الاوجاع ْ
أطنان ْ م الدُمّار ْ
وينكم ْ زمان الثورة ْ
وينكم ْ زمان النار ْ
حتى اللحي نسيتوها
وخدودكم بلاّار ْ…؟؟
واليوم ْ ….
بعتو بلادي ….لإخوانكم فُجّار ْ
وقدّاش من شهيد ْ
قتْلو جرذ في غارْ
يا سارقين الثورة …..
من فرحة الثوار ْ ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *